જૂન-૨૦૧૭ની ફિલ્મો

જૂન-૨૦૧૭ની ફિલ્મો

  1. ROAD TRIP (2000) (ENGLISH) : 5.5 / 10

ગર્લફ્રેન્ડને ભૂલથી મોકલી દેવાયેલ વિડીયો કેસેટ અને તેને પાછી મેળવવા માટે કરવી પડતી રોડ ટ્રીપ. ડીરેક્ટર TODD PHILIPS ની ફિલ્મોમાં રોડ ટ્રીપ, મિત્રોની ગેંગ, અણધારી મુસીબત અને ટાઈમ પાસ કોમેડી હોય છે. ‘રોડ ટ્રીપ’ તેમની શરૂઆતની ફિલ્મ છે જેની છાપ તેમની પાછળની ફિલ્મો ‘હેંગ ઓવર સીરીઝ’ અને ‘ડ્યુ ડેટ’ માં પણ દેખાય છે.

  1.   PREDESTINATION (2014) (ENGLISH) : 8 /10

એક એજન્ટ (પોલીસ)ને ક્યારેય ન સાંભળી હોય તેવી પોતાની વાત કહેતો એક પુરુષ… અને પછી ધીમે ધીમે ગુંથાતા અને ખુલતા તાણાવાણા, ટાઈમ ટ્રાવેલ અને છેલ્લે ખુલતું રહસ્ય… આ અંગ્રેજી ફિલ્મો વાળા આવી ગજબ સ્ટોરી અને કોન્સેપ્ટ ક્યાંથી શોધી લાવે છે? જોકે આ ફિલ્મની વાર્તાનો તાળો મેળવતા મગજનું  દહીં, છાસ અને કઢી થઇ જાય તેમ છે. ફિલ્મમાં બનતી ઘટનાઓની સિક્વન્સ (ટાઈમલાઈન) સમજવા માટે વીકીપીડીયાનો સહારો લેવો પડ્યો. પણ છેલ્લી મિનીટ સુધી બેસી રહેવાની ધીરજ હોય તો છેલ્લે સુધી મજા પડી જાય છે. અને કલાકારોનો અભિનય તો અદભુત છે ખાસ કરીને SARAH SNOOK.

  1. DANGAL (2016) (HINDI) : 8 / 10

બહુ જ વખણાયેલી અને બહુ જ જોવાયેલી ‘દંગલ’ સ્ટોરી તો પ્રેડીકટેબલ છે પણ ઈમોશનલ ટચ અને અભિનયને લીધે છેલ્લે સુધી જરા પણ કંટાળો આવતો નથી. કુસ્તીની સિક્વન્સમાં ઝીણી ઝીણી ઘણી બાબતોનું ધ્યાન રાખવામાં આવેલ છે અને જેથી એકદમ ઓથેન્ટિક લાગે છે. જોકે ઘણા બધા સીન્સ બરોબર જમાવવાને બદલે અધૂરા છોડી દેવાયા હોય તેમ લાગે છે. જેમ કે ‘મારી છોરીયા છોરોસે કેમ હે કે’ વાળો સીન ફક્ત એક ડાયલોગ બોલવા માટે જ છે. સંગીત થોડું મોળું પડે છે. હા પહેલી વાર જયારે ગીતા છોકરાની સામે કુસ્તી લડે છે ત્યારનું બેકગ્રાઉન્ડ મ્યુઝીક જોરદાર છે. ઓવરઓલ એક પરફેક્ટ હિન્દી ફિલ્મ.

  1. LOGAN (2017) (ENGLISH) : 8.5/10

મોટી ઉમરનો અને ધીમે ધીમે જેની શક્તિઓ ક્ષીણ થઇ રહી છે તેવો લોગન એટલે કે ‘વોલ્વરીન’ જેને સંજોગવશાત નવું મિશન મળે છે. આ ફિલ્મની કથા સરળ છે પણ મજબુત છે. અહી ઝબરદસ્ત સ્પેશિયલ ઈફેક્ટસ કે ન માન્યામાં આવે તેવું એક્શન નથી. વાર્તામાં લાગણીઓ અને સંબંધો પર વધુ ભાર મુકાયો છે. જોકે આ ફિલ્મનો એક અને એકમાત્ર હીરો ‘હ્યુજ જેકમેન’ જ છે. તેની પર્સનાલીટી અને અભિનય ઘરડા અને ઝીંદગીથી નાસીપાસ થયેલા અને પછી ફરી મિશન પર લાગતા પાત્રને જીવી જાય છે. સાથે સાથે પ્રોફેસર ઝેવિયર (પેટ્રિક સ્ટુઅરટ) અને લોરા બનતી Defne Keen નો સાથ ફિલ્મને બેસ્ટ એક્સ-મેન મુવી બનાવે છે. અને હા, એન્ડ ક્રેડીટસમાં મસ્ત મજાનું સાંભળવા જેવું ગીત છે.

  1. 10 CLOVERFIELD LANE (2016): 7.5 /10

અંત સુધી મજાની પણ વચ્ચે વચ્ચે ક્યાંક ડચકા ખાય છે. જોકે અંત એટલો મજા પમાડે તેવો નથી અને સિકવલ માટેની જગ્યા ખુલ્લી રાખવામાં આવી છે. આ ફિલ્મની પ્રિકવલ ‘CLOVERFIELD’ જે ૨૦૦૮માં રજુ થઇ હતી જે આગામી સમયમાં જોવામાં આવશે.

  1. KAPOOR AND SONS (2016) : 8 /10

પરિવારની વેલ્યુ સમજાવતી કરણ જોહર નિર્મિત આ ફિલ્મ તેની બીજી ફિલ્મો જેવી લાઉડ નથી જે ફિલ્મને ઓથેન્ટિક બનાવે છે. સરસ ધીમી ધારે વહેતી વાર્તા, દમદાર અભિનય અને સુંદર લોકેશન્સ, ફિલ્મ ક્યારે પતી જાય છે તે ખબર જ નથી પડતી. ડીરેક્ટર શકુન બત્રાએ આ ફિલ્મમાં કમાલ કરી છે અને જેથી તેમની પહેલી ફિલ્મ ‘એક મેં ઓર એક તું’ પણ જોવામાં આવશે.

ઇક વો દિન ભી થે…passion for cinema.com

ઇક વો દિન ભી થે……Passion for cinema.com

તો લગભગ માર્ચ-૨૦૦૭માં ઈન્ટરનેટ પર ફિલ્મો વિષે વાંચવા માટે ખાંખા ખોળા કરતા desitrain.com નામની વેબસાઈટ પર પહોચી જવાયું.  કોઈ OZ ઉપનામ વાળી કોઈ વ્યક્તિ આ વેબસાઈટ મેનેજ કરતી હતી. વેબસાઈટ ફેંદતા ફિલ્મ દિગ્દર્શક મુકુલ આનંદ વિશેનો બે ભાગમાં વહેચાયેલો ફાડું લેખ વાંચવા મળ્યો. મુકુલ આનંદ વિષે જે હું વિચારતો હતો તેના કરતા પણ ક્યાય ઊંડેથી, શોધખોળ કરીને અને ખાસ તો દિલથી લખાયેલો લેખ હતો. લેખમાં મુકુલ આનદની હિટ ફિલ્મો અગ્નિપથ, હમ અને ખુદા ગવાહ  ઉપરાંત ઘણી ફિલ્મો કે જેના ફક્ત નામ જ સાંભળ્યા છે પણ જોઈ નથી જેવી કે ઉસ્તાદ, સત્યમેવ જયતે, મહા સંગ્રામ, સલ્તનત  જેવી ફિલ્મોના વિશેષ સીન્સ અને તેમની વિશેષતાઓ વિષે ઘણું ઊંડાણપૂર્વક લખેલું હતું. ઉસ્તાદ ફિલ્મમાં વિનોદ ખન્ના ઉભેલો હોય છે અને ફરીને જોવે છે તે સીન વિષે આ ભાઈએ આખો ફકરો લખેલો. લેખ વાંચ્યા પછી લાગ્યું કે આ માણસ તો ફિલ્મોને ઘોળીને પી ગયેલો  છે. વધારે ખણખોદ કરતા માલુમ પડ્યું કે આ ભાઈનું અસલ નામ પંકજ સિક્કા છે અને પોતે અમેરિકામાં વસે છે (અત્યારે ક્યાં છે તે ખબર નથી) અને પોતે ‘MBA GANG’ નામના પુસ્તકના લેખક છે. અને હું ફિલ્મો વિષે બહુ જ જાણું છું તેવો ભ્રમ પણ ભાંગી ગયો.

desitrain.com પર વધારે સર્ચ કરતા અનુરાગ કશ્યપના પોતે લખેલા લેખો પણ વાંચવા મળ્યા. જેમાં તેમણે શરૂઆતના તેમના સંઘર્ષના દિવસો, ‘પાંચ’ અને ‘બ્લેક ફ્રાઈડે’ ફિલ્મોના મેકિંગ વિષે લખેલું.

આ બધા લેખો વાંચતા વાંચતા બીજો એક અદભૂત ખજાનો હાથ લાગી ગયો જેનું નામ હતું passionforcinema.com (PFC). આ ખજાનો પણ OZ અને તેમના જેવા બીજા ભેજાની જ પેદાશ હતી. ફિલ્મો વિષે મારા જેવા અને મારા કરતા પણ વધારે પેશનેટ લોકો આ ખઝાનાનો ભાગ હતા. પછીતો આ ખજાનાના ખજાનચીઓ દ્વારા લખાયેલા અનેક રત્નો એટલે કે લેખો વાંચતા વાંચતા હું પણ વેબસાઈટનો એક નાનકડો ભાગ બની ગયો. વાંચતા વાંચતા મને પણ થયું કે મારે પણ કઈક લખવું જોઈએ. પીએફસી પર કોઈ પણ ફિલ્મો વિષે લખી શકે તેમ હતું બસ ઓનલાઈન એક ફોર્મ ભરવાનું અને OZની એપ્રુવલ મળે કે તમે પીએફ્સીના લેખક ગણનો હિસ્સો બની જતા હતા.

તો મેં પણ મારી ઝીંદગીનો પ્રથમ લેખ નમકહરામ, સાહિબ અને બીજી ફિલ્મોના રીવ્યુથી કર્યો.  આના પહેલા પણ હું મારા એમબીએ અને એન્જીનીયરીંગના ઈ-મેલ ગ્રુપમાં રીવ્યુ લખીને મિત્રોને હેરાન કરતો હતો. પણ આ વખતે મારા વિચારો મારા કરતા પણ વધારે પેશનેટ લોકોમાં વહેચવાના હતા. લેખ પબ્લીશ થયા પછી તેના પર લોકો પોતાની કમેન્ટ લખી શકતા હતા અને જે તે લેખના વિષય વિષે ચર્ચા ચાલતી રહેતી. આપણે વહેચેલા વિચારો વિષે બીજાઓ  શું વિચારે છે તે જાણવાની ઇન્તેઝારી રહેતી. પછી તો લગભગ દર અઠવાડિયે હું લેખો લખતો રહેતો જેમાં DOORDARSHAN…DOWN MEMORY LANE, NAAYAK-SHANKAR AT HIS BEST, RAAJKUMAR SANTOSHI-SABAASH MERE CHITTAY, IQBAL-MY STORY, REVIEWS OF –PIRATES OF THE CARIBEEAN, JOHNNY GADDAR, SHOOTOUT AT LOKHANDWALA વગેરે વિષે લેખો લખેલા હતા.

OZની સાથે સાથે બીજા ફિલ્મ રસિયાઓ RK, કાર્તિક કૃષ્ણન, વાસનબાલા (જેઓ પાછળથી બોલીવુંડમાં એન્ટ્રી કરીને મારા જાણવા મુજબ EMOTIONAL ATYAACHAR નામની ફિલ્મમાં લેખક તરીકે કામ કર્યું,) સ્મૃતિ વીજ વગેરેના લેખો વાંચવાનો લહાવો ખરેખર અદભૂત હતો.  RKએ લખેલો ‘ઓમકારા’, ‘ન્યુ દિલ્હી ટાઈમ્સ’ પરનો લેખ તો પી.એચ.ડી.ની થીસીસ સમાન હતો. અનુરાગ કશ્યપે પોતાની ફિલ્મ ‘નો સ્મોકિંગ’ ની આખી પટકથા પીડીએફ સ્વરૂપે મૂકી હતી. ઉપરાંત બીજા ઘણા ફિલ્મ મેકરો જેવાકે ઓનીર (માય બ્રધર નીખીલ, સોરી ભાઈ), મનીષ તિવારી (દિલ દોસ્તી ઈટીસી.), હંસલ મેહતા (વુડસ્ટોક વિલા) પોતાની ફિલ્મો અને અન્ય ફિલ્મો વિષે પોતાના વિચારો લખતા હતા. ભૂલ ભુલૈયા ની રજૂઆત વખતે કોઈએ વળી તેની ઓરીજીનલ મલયાલમ ફિલ્મ Manichitrathazhu વિષે લખેલું. નવદીપ સિંગે (N.H. 10 ના ડીરેક્ટર) પણ પોતાની પ્રથમ ફિલ્મ ‘મનોરમા સિક્સ ફીટ અન્ડર’ ની પટકથા વેબસાઈટ પર મુકેલી. જીંજેનો લાભ લઇ નો સ્મોકિંગ અને મનોરમાની પટકથા પહેલા વાંચી અને પછી બંને ફિલ્મો જોવામાં આવેલી.

રામ ગોપાલ વર્માના સહાયક રાજકુમાર ગુપ્તા એ તે વખતે બની રહેલી ‘નિ:શબ્દ’ તથા અનુરાગ કશ્યપના સહાયક તરીકે ‘નો સ્મોકિંગ’ના મેકિંગ વિષે લખેલું. આ રાજકુમાર ગુપ્તાએ પછીથી પોતાની દિગ્દર્શક તરીકેની પ્રથમ ફિલ્મ ‘આમીર’ બનાવવાનું ચાલુ કરેલું ત્યારે પણ મેકિંગ વિષે લખેલું. અનુરાગ કશ્યપે પણ ‘નો સ્મોકિંગ’ ના મેકિંગ વિષે ‘નો સ્મોકિંગ ડાયરી’  અને દેવ ડી’ ના મેકિંગ વિશેનો વાતો લખેલી. રામ ગોપાલ વર્માની ‘સત્યા’ વિષેનો ૨ ભાગનો લેખ તો અદભુત હતો. ‘મસાન’ જેવી આલાતરીન ફિલ્મના ડીરેક્ટર નીરજ ઘેવાન પણ આ વેબ્સાઈટ પર લખતા હતા જે હમણાં જ જાણવા મળ્યું.

પીએફસીનો વિકાસ થતા ‘PFC-ONE’ નામની શોર્ટ ફિલ્મોની પ્રતિયોગીતા પણ યોજેલી જેમાં ફક્ત એક મીનીટની શોર્ટ ફિલ્મ બનાવીને પીએફસીને મોકલવાની હતી. વિજેતાને ઇનામ તરીકે ઓનીર અને બીજા દિગ્દર્શકોના સહાયક તરીકે કામ કરવાની તક હતી. ઉપરાંત ફિલ્મ રીવ્યુની પણ કોન્ટેસ્ટ યોજવામાં આવેલી જેમાં મેં પણ ‘હલ્લા બોલ’નો રીવ્યુ કરીને ભાગ લીધેલો.

આમ, ફિલ્મરસીયોનો મેળો આ વેબસાઈટ પર જામેલો રહેતો. મુંબઈમાં તો ઘણા મિત્રો મળતા પણ હતા. પણ ધીમે ધીમે હું મારી બદલાયેલી જોબના લીધે વેબસાઈટ પર જવાનો સમય આપી શકતો નહોતો અને એક દિવસ ઘણા સમય પછી પીએફસીની વેબસાઈટ પર જતા કોઈ બીજી જ વેબસાઈટ ખુલી અને ખબર પડી કે પીએફસી તો બંધ થઇ ગઈ છે. જોકે કયા કારણોસર આ સાઈટ બંધ કરી દેવાઈ તે ખ્યાલ નથી. તે દિનથી આજદિન સુધી ઈન્ટરનેટ પર આવી ફિલ્મોને લગતી વેબસાઈટ જોવા મળી નથી. હવે તો ફક્ત સંસ્મરણો વાગોળવા રહ્યા અને બીજી લીન્ક્સ પરથી પીએફસી પર પબ્લીશ થયેલી પોસ્ટ જ વાંચવી રહી.

તે વખતના પીએફ્સીના એક લેખક સ્મ્રીતી વીજ દ્વારા તેમના લેખોનું આર્કાઈવ આ લીંક પર છે. http://passionforcinema-excerpts.blogspot.in/

ઉપરાંત પીએફ્સીના અમુક લેખોનું આર્કાઈવ પણ આ લીંક પર છે.

https://archive.is/passionforcinema.com

દેવ ડી વિષે અનુરાગ કશ્યપે લખેલા લેખોની લીંક:

https://passionforcinema-archive.blogspot.in/

મારો પણ એક આર્ટીકલ છે. જેને શેર કરવાની લાલચ હું રોકી શકતો નથી

https://archive.is/8Pabp

એપ્રિલ-૨૦૧૭ની ફિલ્મો

એપ્રિલ-૨૦૧૭ની ફિલ્મો

તો આ મહીને કાઈ ખાસ ફિલ્મો જોવામાં આવી નથી. છતાં એક નજર..

  1. FANTASTIC BEASTS AND WHERE TO FIND THEM (2016) (ENGLISH) : 7 /10

હેરી પોટર મારી ફેવરીટ સીરીઝમાની એક છે. ફેન્ટાસ્ટીક બીસ્ટને જોકે હેરી પોટર સાથે તેના પ્રીમાઈસ સિવાય કઈ લાગતું વળગતું નથી. સરસ વાર્તા છે, અભિનય સરસ છે છતાં ખબર નહિ કેમ પણ હેરી પોટર જેવી મજા આવતી નથી. કદાચ હેરી પોટર જેવી ફિલ્મ એ વખતે પહેલી વાર જોવાયેલી તેથી તે સમયે ખુબ જ મજા આવેલી.

  1. PINEAPPLE EXPRESS (2008) (ENGLISH) : 5 /10

ફિલ્મની શરૂઆત સારી છે પણ અંત સુધી ફિલ્મ ખેંચાતી હોય તેવું લાગે છે. છેલ્લે તો એમ થયું કે જલ્દી પતે તો સારું. જેમ્સ ફ્રાન્કોનું કામ સારું છે.

  1. TAXI NO. 9 2 11 (2006) (HINDI): 7.5/10

સરસ કોન્સેપ્ટ. સારી ફિલ્મ છે પણ કદાચ વાર્તાને થોડી વધારે સારી રીતે કહી શકાઈ હોત. નાના પાટેકર હમેશની જેમ આખી ફિલ્મમાં છવાઈ જાય છે. જોન અબ્રાહમનો પ્રયત્ન સારો છે પણ નાનાની સામે ઘણો કાચો પડે છે. જોનની જગ્યાએ નાના પાટેકરની ટક્કરનો કોઈ અભિનેતા હોત તો વધારે મજા પડત.

માર્ચ-૨૦૧૭ની ફિલ્મો

માર્ચ-૨૦૧૭ની ફિલ્મો

  1. THIRUDA THIRUDA (1993) (TAMIL) : 7.5/10

હિન્દીમાં ડબ થઈને ‘ચોર ચોર’ તરીકે આવેલી આ ફિલ્મને મણી રત્નમ અને રામ ગોપાલ વર્મા જેવા માંધાતાઓએ લખેલી છે. મધ્ય સુધી ફિલ્મ જકડી રાખે છે પણ આગળ જતા બિનજરૂરી પ્રણય ત્રિકોણ અને લાંબા લાંબા ગીતો ફિલ્મને થોડી કંટાળાજનક બનાવે છે. જોકે અનુ અગ્રવાલ એકદમ કામણગારી લાગે છે.

  1. KAHAANI 2 : DURGA RANI SINGH (2016) (HINDI) : 7.5/10

ઈન્ટરવલ સુધી ફિલ્મ થ્રીલીંગ છે પણ સંસ્પેન્સ ખુલે છે ત્યારે સંતોષ થતો નથી. જોકે ફિલ્મોના અઠંગ રસિયાઓ તો કદાચ પહેલેથી જ અંતને કલ્પી શકે તેમ છે. ફિલ્મ સરસ છે પણ પહેલા ભાગ સાથે સરખામણી કરતા થોડી ઉણી ઉતરે છે.

  1. DOCTOR STRANGE (2016) (ENGLISH) : 7.5/10

ફિલ્મની વાર્તા જલ્દી સમજાય નહિ તેવી છે પણ એકવાર સમજણ પડ્યા પછી મજા આવે છે.

  1. ARDH SATYA (1983) (HINDI) : 9/10

સીસ્ટમ પ્રત્યે નારાજગી અને તેના લીધે પેદા થતો આક્રોશ. અદભુત અને અસરકારક ફિલ્મ છે. દિવંગત ઓમ પૂરીને શ્રધ્ધાંજલિ આપવા બીજી વાર ખાસ જોવામાં આવી.  Sadashiv Amrapurkar and Om Puri at their best.  જોકે આવી ફિલ્મ વિષે વધારે લખવાની આપણી ઓકાત નથી.

  1. CHEF (2014) (ENGLISH) : 7.5/10

સરળ વાર્તા, મજાનું દિગ્દર્શન અને આપણને ગમતો જોન ફેવર્યું. ફિલ્મમાં બનતી વિવિધ વાનગીઓ મોઢામાં પાણી લાવી દે છે.

  1. NEERJA (2016) (HINDI) : 7.5/10

નીરજા ભનોત નામની એર હોસ્ટેસે ૧૯૮૬માં તેના વિમાનના મુસાફરોની જાન બચાવેલી તે સત્ય ઘટના પરથી બનેલી ફિલ્મ. સ્ટોરી, અભિનય બધું સરસ છે. છતાં એટલી અસરકારક નથી. છેલ્લે શબાના આઝમી મેદાન મારી જાય છે.

  1. POLAM POL (2016) (GUJARATI) : 6/10

ફરી પાછી એક ગુજરાતી અર્બન મુવી. કોન્સેપ્ટ સારો છે પણ ઘણી વાર વાર્તા આડે પાટે જતી રહે છે. જોકે ઘણા બધા સીન્સમાં કોમેડીનો ચમકારો છે. ‘સપનાઓ સાચા થશે’ ગીતનું સંગીત, શબ્દો અને ફિલ્માંકન સરસ છે. જોકે બધા કરતા આપણને તો ‘માંગીલાલ’ તરીકે ‘પ્રેમ ગઢવી’એ મજા કરાવી દીધી.

ફેબ્રુઆરી-૨૦૧૭ની ફિલ્મો

ફેબ્રુઆરી-૨૦૧૭ની ફિલ્મો

  1. GOOSEBUMPS (2015) : 6.5 / 10

શરૂઆત સારી છે પણ અંત સુધી જકડી રાખે તેવી વાર્તા નથી. જેક બ્લેક હમેશની જેમ મજા કરાવે છે.

  1. O KADHAL KANMANI (2015) : 8 / 10

સુંદર મુંબઈ, સરસ સંગીત અને આજના જમાનાનો મણી રત્નમ બ્રાંડ રોમાન્સ. લીડ પેર અને પ્રકાશ રાજ જામે છે. હવે આની હિન્દી રીમેક  ‘ઓકે જાનું’ જોવી પડશે. જોઈએ ‘શાદ અલી’એ કેવી નકલ કરી છે.

  1. SULTAN (2016) : 8.5 / 10

છેલ્લા થોડા વર્ષોમાં જોવાયેલી સલમાન ખાનની શ્રેષ્ઠ ફિલ્મ. કીક, જય હો જેવી ફિલ્મો કરતા બજરંગી ભાઈજાન ઘણી સારી હતી અને સુલતાન તો તેના કરતા પણ સારી. ગીત સંગીત સરસ છે. અને સ્ટોરી ઘણી બધી જગ્યાએ દિલ ને સ્પર્શી જાય છે. (સલમાન અને અનુષ્કાનો જમતી વખતનો સીન, જગ ગુમ્યા ગીત વગેરે). સલમાન ખાનના સરસ અભિનયને અનુષ્કા શર્મા પણ પૂરે પૂરો ટેકો આપે છે.  ટૂંકમાં પરફેક્ટ હિન્દી ફિલ્મ.

  1. PRIMAL FEAR (1996) : 7.5/10

હિન્દી ફિલ્મ ‘દીવાનગી’ (અજય દેવગન, અક્ષય ખન્ના, ઉર્મિલા) ની પૂર્વજ એવી આ ફિલ્મ એડવર્ડ નોર્ટન અને રીચાર્ડ ગેરેના અભિનય અને છેક છેલ્લે સુધી જકડી રાખતી વાર્તા માટે જોવા જેવી છે. ‘પ્રાઈમલ ફીયર ‘ એક ચોક્કસ પોઈન્ટ પર પૂરી થાય છે જયારે ‘દીવાનગી’માં ઈન્ટરવલ સુધી મજા આવી હતી પણ પછી ફિલ્મ બહુ ખેચવામાં આવી હતી.

  1. SUPER STAR (2017) : 4/10

આ નવી અર્બન ગુજરાતી ફિલ્મનું પ્રોડક્શન સરસ છે પણ સ્ટોરી ઘણી બધી જગ્યા એ ડચકા ખાય છે.

  1. ARRIVAL (2016) : 7.5/10

ધીમી ધીમી ચાલતી અને એલિયન્સના ધરતી પર આગમનનું કઈક અલગ જ કારણ કહેતી ફિલ્મ. અહી બીજી એલિયન ફિલ્મોની જેમ ધમાચકડી અને એક્શન નથી પણ સુરેખ સ્ટોરી અને અદભુત અભિનય છે.

  1. AE DIL HAI MUSHKIL (2016) : 7.5/10

ઘણાને આ ફિલ્મ ગમી નથી પણ મને તો સારી લાગી. જો કે પ્રેમ અને દોસ્તીના આ ફિલ્મમા બતાવેલા ફંડા સમજવા અઘરા છે. અનુષ્કા શર્મા અને રણબીર કપૂરનો અભિનય કાબિલે તારીફ છે. EISHVARY ઐશ્વર્યા રાય આવા ફાલતું રોલમાં કેમ આવતી હશે? સંગીત સરસ છે.

  1. MISS PEREGRIN’S HOME FOR PECULIAR CHILDREN (2016) : 7/10

શરૂઆત સરસ છે પણ અંત સુધી રસ જળવાઈ રહેતો નથી. ટીમ બર્ટનની અન્ય ફિલ્મોની જેમ અહી ફિલ્મનો ટોન ડાર્ક નથી.

  1. NON-STOP (2014) : 7/10

મધ્ય સુધી સરસ પણ સસ્પેન્સ જોઈએ તેવું કન્વીન્સીંગ નથી. જોકે આપણે તો ‘લીયામ નીસન’ માટે જ ફિલ્મ જોઈ.

જાન્યુઆરી-૨૦૧૭ની ફિલ્મો

જાન્યુઆરી-૨૦૧૭ની ફિલ્મો

  1. GUJJUBHAI THE GREAT (2015) : 7.5/10

આ ફિલ્મ જોતા પહેલા ‘ગુજ્જુભાઈ બન્યા દબંગ’ નાટક જોયેલું પણ જે કઈ ખાસ ન લાગેલું. પણ આ ફિલ્મે તો મજા કરાવી દીધી. પહેલાથી છેલ્લે સુધી મજા જ મજા. સિદ્ધાર્થ રાંદેરિયા તો દરેક સીનમાં છવાઈ જાય છે. જીમિત ત્રિવેદી (બકુલ બુચ) અને સ્વાતી શાહ (પ્રમિલા) તથા અન્ય કેરેક્ટર્સ ની સાથે સાથે ડાયલોગ પણ મજેદાર છે. મસ્ત ગુજરાતી ફિલ્મ.

  1. DHARM (2007) : 7.5/10

ધર્મનો સાચો અર્થ શું તેના વિષે કઈક વાત કહેતી ફિલ્મ. પંકજ કપૂર તેની બોડી લેન્વેજ અને અભિનય દ્વારા પૂરી ફિલ્મમાં છવાઈ જાય છે. સરસ વાર્તા, સંવાદ, બેક ગ્રાઉન્ડ મ્યુઝીક અને દિગ્દર્શન. જો કે અંત થોડો ઉતાવળે આવી જાય છે. બાકી સરસ ફિલ્મ.

  1. GREAT GRAND MASTI (2016) : 3/10

કાઈ કહેવા જેવું નથી. મસ્તી ઠીક, ગ્રાન્ડ મસ્તી ભંગાર અને ગ્રેટ ગ્રાંડ મસ્તી તો સાવ ભંગાર. તો પણ મેં જોઈ બોલો!.  સર્વ ધર્મ સમભાવની જેમ સર્વ ચિત્ર સમભાવ!   મતલબ ફિલ્મો જોવામાં કોઈ પૂર્વગ્રહ રાખવો નહિ.

૨૦૧૬ની ફિલ્મો અને પુસ્તકો

લો ૨૦૧૬ પણ પતી ગયું. તો દર વર્ષની જેમ ગત વર્ષમાં જોવાયેલ ફિલ્મો અને વંચાયેલ પુસ્તકોની બેલેન્સ શીટ જોઈ લઈએ.

કુલ ૪૪ ફિલ્મો જોવાયેલ છે. ગત વર્ષની સરખામણીમાં લગભગ અડધી છે. પરીક્ષાના લીધે વચ્ચે ૪ મહિનાનો સળંગ ગેપ પડેલ હતો. પણ ૨૦૧૭માં તો તૂટી જ પડવું છે.

ફિલ્મો:

No. MOVIE RATING OUT OF 10
1 EVERLY (2014) 5
2 MYSTIC RIVER (2003) 8
3 JAZBAA (2015) 7.5
4 DOCTOR ZHIVAGO (1965) 9
5 MARY KOM (2014) 7.5
6 KYA KOOL HAI HUM 3 (2016) 3
7 HOW TO TRAIN YOUR DRAGON (2010) 7.5
8 THE MARTIAN (2015) 8
9 BROTHERS (2015) 7
10 GHAYAL ONCE AGAIN (2016) 6
11 PRIEST (2011) 7
12 SPECTRE (2015) 7.5
13 MR. BEAN’S HOLIDAY (2007) 7
14 NATSAMRAT (2016) 9
15 LUCY (2014) 7.5
16 DUMB AND DUMBER TO (2014) 6.5
17 HE NAMED ME MALALA (2015) 7
18 TERE BIN LADEN (2010) 7.5
19 3:10 TO YUMA (2007) 8.5
20 300:RISE OF AN EMPIRE (2014) 7.5
21 ANCHOR MAN (2004) 6.5
22 ROOM (2015) 8.5
23 BIRDMAN (2014) 8
24 THE JUNGLE BOOK (2016) 8
25 ROMEO AND RADHIKA (2016) 3
26 THE ANGRY BIRDS MOVIE (2016) 6.5
27 DEADPOOL (2016) 7.5
28 CHHELLO DIVAS (2015) 8
29 BATMAN VS SUPERMAN : DAWN OF JUSTICE (2016) 6.5
30 FAN (2016) 7
31 HANSEL & GRETEL:WITCH HUNTERS (2013) 7
32 CHANDER PAHAR (2013) 8.5
33 X-MEN:APOCALYPSE (2016) 7
34 PINK (2016) 8.5
35 HOUSEFULL 3 (2016) 4
36 THE REVENANT (2015) 8
37 THE CONJURING 2 (2016) 7
38 THAI JASHE! (2016) 7
39 TEEN  (2016) 8
40 THE LEGEND OF TARZAN (2016) 7
41 THE STONEMAN MURDERS (2009) 7.5
42 KABALI (2016) 6
AAJ JAANEKI ZID NA KARO Gujarati Play
43 EDDIE-THE EAGLE (2016) 7.5
44 DER UNTERGANG (GERMAN)- DOWNFALL (ENGLISH) (2004) 8

પુસ્તકો:

કુલ ૧૨ પુસ્તકો એટલે કે દર મહીને એકાદ પુસ્તક વંચાયું છે.

NO. NAME ORIGINAL BOOK AUTHOR TRANSLATOR
1 CHANAKYA’S CHANT CHANAKYA’S CHANT ASHWIN SANGHI
2 HALF GIRLFRIEND HALF GIRLFRIEND CHETAN BHAGAT
3 I AM MALALA I AM MALALA MALALA YOUSUFZAI
4 L’Île mystérieuse THE MYSTERIOUS ISLAND (ENGLISH) – BHEDI TAPU (GUJARATI) JULES VERNE JAYANT SHAH
5 MAADI HU COLLECTOR THAIS TAAI, ME COLLECTOR VYAHAN RAJESH PATIL KISHOR GAUD
6 SORTING OUT SID SORTING OUT SID YASHODHARA LAL
7 TRAIN TO PAKISTAN TRAIN TO PAKISTAN KHUSWANT SINGH
8 SAHITYA ANE CINEMA SAHITYA ANE CINEMA JAY VASAVADA
9 AVKASHNI SAFARE (Dhumketuni Safare) HECTOR SERVADEC -FRENCH (OFF ON A COMET-ENGLISH) JULES VERNE MULSHANKAR BHATT
10 STEEL FRAME STEEL FRAME FARUK NAIKVADE MOHAN H. MANDANI
11 POLLYANNA POLLYANNA ELEANOR H. PORTER NITIN BHATT
12 RANG CHHALKE RANG CHHALKE KINNAR ACHARYA

અને છેલ્લે…

જે કોઈ  આ બ્લોગ ભૂલ થી પણ વાંચતું હોય તો તેને HAPPY NEW YEAR!