ડીસેમ્બર-૨૦૧૬ની ફિલ્મો અને નાટક

ડીસેમ્બર-૨૦૧૬ની ફિલ્મો અને નાટક

  1. THE REVENANT (2015) : 8/10

એક બદલાની નેમ લઈને જિંદગી જીવવાનો સંઘર્ષ. અદભુત લોકેશન્સ, અને લિયોનાર્ડો દ કેપ્રીઓ, ટોમ હાર્ડી અને અન્યોનો લાજવાબ અભિનય. Alejandro González Iñárrituનો સતત બીજા ઓસ્કાર માટેની યથાર્થ માવજત. અહી પણ બર્ડમેનની જેમ લાંબા લાંબા શોટ્સ છે જે સિનેમેટોગ્રાફર Emmanuel Lubezki અને ડીરેક્ટર Alejandro ની ટ્રેડમાર્ક સ્ટાઈલ છે.

  1. THE CONJURING 2 (2016) : 7/10

વોરેન દંપતીનું ભૂતપ્રેત વાળું નવું એડવેન્ચર. અહી જોકે પેહલા ભાગની જેમ સત્ય ઘટનાનો સંદર્ભ લેવાયો છે. પ્રથમ ભાગ જેવી ડરામણી નથી પણ એકંદરે કંટાળાજનક પણ નથી.

  1. THAI JASHE! (2016) : 7/10

એક નવી અર્બન ગુજરાતી ફિલ્મ. શરૂઆત અને મધ્ય સરસ. અંત થોડો ઉતાવળે બતાવાયો હોય તેવું લાગે છે. બાકી નીરવ બારોટે દિગ્દર્શક તરીકે પહેલી ફિલ્મમાં ઘણી આશાઓ જન્માવી છે. મનોજ જોષી અને મલ્હાર ઠક્કર બંને સરસ જમાવટ કરે છે.

  1. TEEN (2016) : 8/10

છેક છેલ્લે સુધી જકડી રાખતી ધીમી ધારે વહેતી થ્રીલર. ‘કહાની’ ની જેમ અહી પણ કોલકાતા વાર્તાનું એક કેરેક્ટર બની જાય છે. નવાઝુદ્દીન સીદીકી, વિદ્યા બાલન અને દર વખતની જેમ જબરદસ્ત અમિતાભ બચ્ચન હોય પછી પૂછવાનું જ ન હોય. મસ્ટ વોચ.

  1. THE LEGEND OF TARZAN (2016) : 7/10

ટારઝનની વાર્તા જેણે અગાઉ વાંચેલી હશે તેને આ ફિલ્મમાં થ્રિલ થોડી ઓછી લાગશે. બાકી એક્શન, લોકેશન્સ અને સેમ્યુઅલ એલ. જેક્શન ફિલ્મને બચાવી લે છે.

  1. THE STONEMAN MURDERS (2009) : 7.5/10

૧૯૮૩માં મુંબઈમાં થયેલા શ્રેણીબદ્ધ ખૂનોની ઘટનાઓમાંથી પ્રેરણા લઈને તેમાં કલ્પનાના રંગો  ઉમેરીને બનાવાયેલી સરસ થ્રીલર. કે કે મેનન તો હમેશા જલસો જ કરાવી દે છે.

  1. KABALI (2016) : 6/10

રજનીકાંતની સ્ટાઈલ સિવાય ખાસ કશું નથી. વાર્તામાં ભલીવાર નથી તેથી રજનીકાંતની છેલ્લી ફિલ્મો ‘શિવાજી’ અને ‘રોબોટ’ જેવી મજા અહિયાં આવતી નથી. રજનીકાંત જેવા સુપરસ્ટારને લઇને સરસ માવજત અને વાર્તા વાળી ફિલ્મ તો ‘શંકર’ જેવા કોઈક જ બનાવી શકે. બાકી કબાલીમાં તો રજનીકાંતના સ્ટારડમને વટાવવાનો પ્રયત્ન થયો હોય તેમ લાગે છે.

  1. EDDIE-THE EAGLE (2016) : 7.5/10

સત્ય ઘટના પરથી પ્રેરિત મજાની સ્પોર્ટ્સ ડ્રામા. હ્યુજ જેકમેન માટે ખાસ જોવામાં આવી.

  1. DER UNTERGANG- DOWNFALL (2004) : 8/10

એડોલ્ફ હિટલરની ઝીન્દગીના છેલ્લા ૧૦ દિવસોની કહાની રજુ કરતી ફિલ્મ. છેલ્લા દિવસોમાં હિટલરની બંકરની ઝીંદગી, સાથીદારો સાથેના તેના સંબંધો અને છેલ્લે સુધી વાસ્તવિકતા ન સ્વીકારવી વગેરે બાબતો એકદમ ઓથેન્ટિક રીતે દર્શાવવાનો પ્રયાસ થયો છે. જોકે અહી હિટલરનું માનવીય પાસું પણ અહી બતાવાયું છે. ધીમી પણ સરસ ફિલ્મ.

નાટક: આજ જાનેકી ઝીદ ના કરો

દિગ્દર્શક: સૌમ્ય જોષી

જીજ્ઞા વ્યાસ, જયેશ મોરે

aaj-jaaneki

કરીના કપૂર –સુધીર મિશ્રાની ફિલ્મ ‘ચમેલી’ જેવી કઈક અંશે વાર્તા ધરાવતું નાટક. મેં જોકે વધુ નાટકો જોયેલા નથી પણ આ નાટકનો લોકલ ટ્રેન વાળો સેટ ગમ્યો. જીજ્ઞા વ્યાસ સરસ અભિનય કરે છે પણ ક્યાંક ઓવર એક્ટિંગ આવી જાય છે. જયેશ મોરે અદભુત છે.

જોકે સૌમ્ય જોશીને સ્ટેજ પર લાઈવ બોલતા સાંભળવા એ પણ લહાવો જ છે.

Advertisements

PK…મારા વિચારો

17pk-poll1

હમણાં હમણાં બોલીવુડની જે blockbuster ફિલ્મો આવી છે તેમાંની એકેય ૧૦૦ તો શું પણ ૫૦ કરોડને પણ લાયક નથી. જોકે pk તેમાં અપવાદ રૂપ ગણી શકાય. pk જોયા પછી અમુક વિચારો…

– આમીર ખાન નો અભિનય લાજવાબ છે. લોક અપ વાળો સીન જેમાં પીકે અચ્છા ના વિવિધ અર્થ expressions સાથે સમજાવે છે તે સરસ છે.

– પીકે નું સ્પેસશીપ ધરતી પર ઉતરે છે ત્યારના landscaping ના સીન્સ સારા છે.

– ‘ચાર કદમ’ & ‘દરબદર’  ગીત સિવાય શાંતનું મોઇત્રાના બાકી ના ગીતો જોડકણા જેવા લાગે છે. વેસ્ટ ઓફ ટાઇમ ગીત તો ૩ idiots ના ઝુબી ઝુબી ગીત જેવું જ લાગે છે.

– climax થોડો ઢીલો છે.

– આ અનુષ્કા શર્મા ના હોઠ કેમ આટલા મોટા લાગે છે? મને તો ડાર્ક નાઈટ ના જોકર ની યાદ આવી ગઈ. જોકે તેનો અભિનય જબ તક હૈ જાન ની યાદ અપાવી જાય છે.

– pk અને અનુષ્કા (જગ્ગુ) નો લવ ટ્રેક વાર્તામાં ના ગુસાડ્યો હોત ચાલત નહિ?

– જોકે પૂરી ફિલ્મ માં ક્યાય કંટાળો આવતો નથી. સંજય દત પણ થોડી વાર માટે મજા કરાવી જાય છે. બોમન ઈરાની તો હમેશ ની જેમ ફોર્મ માં જ હોય છે.

– એકંદરે અત્યાર ની ગણી ૧૦૦ કરોડની ક્લબ વાળી ફિલ્મો કરતા ગણી સારી છે. આજ મુદ્દા પરની ઓહ માય ગોડ ગણી તીવ્ર હતી જેની તુલનામાં pk હળવી લાગે છે.