માર્ચ-૨૦૧૭ની ફિલ્મો

માર્ચ-૨૦૧૭ની ફિલ્મો

  1. THIRUDA THIRUDA (1993) (TAMIL) : 7.5/10

હિન્દીમાં ડબ થઈને ‘ચોર ચોર’ તરીકે આવેલી આ ફિલ્મને મણી રત્નમ અને રામ ગોપાલ વર્મા જેવા માંધાતાઓએ લખેલી છે. મધ્ય સુધી ફિલ્મ જકડી રાખે છે પણ આગળ જતા બિનજરૂરી પ્રણય ત્રિકોણ અને લાંબા લાંબા ગીતો ફિલ્મને થોડી કંટાળાજનક બનાવે છે. જોકે અનુ અગ્રવાલ એકદમ કામણગારી લાગે છે.

  1. KAHAANI 2 : DURGA RANI SINGH (2016) (HINDI) : 7.5/10

ઈન્ટરવલ સુધી ફિલ્મ થ્રીલીંગ છે પણ સંસ્પેન્સ ખુલે છે ત્યારે સંતોષ થતો નથી. જોકે ફિલ્મોના અઠંગ રસિયાઓ તો કદાચ પહેલેથી જ અંતને કલ્પી શકે તેમ છે. ફિલ્મ સરસ છે પણ પહેલા ભાગ સાથે સરખામણી કરતા થોડી ઉણી ઉતરે છે.

  1. DOCTOR STRANGE (2016) (ENGLISH) : 7.5/10

ફિલ્મની વાર્તા જલ્દી સમજાય નહિ તેવી છે પણ એકવાર સમજણ પડ્યા પછી મજા આવે છે.

  1. ARDH SATYA (1983) (HINDI) : 9/10

સીસ્ટમ પ્રત્યે નારાજગી અને તેના લીધે પેદા થતો આક્રોશ. અદભુત અને અસરકારક ફિલ્મ છે. દિવંગત ઓમ પૂરીને શ્રધ્ધાંજલિ આપવા બીજી વાર ખાસ જોવામાં આવી.  Sadashiv Amrapurkar and Om Puri at their best.  જોકે આવી ફિલ્મ વિષે વધારે લખવાની આપણી ઓકાત નથી.

  1. CHEF (2014) (ENGLISH) : 7.5/10

સરળ વાર્તા, મજાનું દિગ્દર્શન અને આપણને ગમતો જોન ફેવર્યું. ફિલ્મમાં બનતી વિવિધ વાનગીઓ મોઢામાં પાણી લાવી દે છે.

  1. NEERJA (2016) (HINDI) : 7.5/10

નીરજા ભનોત નામની એર હોસ્ટેસે ૧૯૮૬માં તેના વિમાનના મુસાફરોની જાન બચાવેલી તે સત્ય ઘટના પરથી બનેલી ફિલ્મ. સ્ટોરી, અભિનય બધું સરસ છે. છતાં એટલી અસરકારક નથી. છેલ્લે શબાના આઝમી મેદાન મારી જાય છે.

  1. POLAM POL (2016) (GUJARATI) : 6/10

ફરી પાછી એક ગુજરાતી અર્બન મુવી. કોન્સેપ્ટ સારો છે પણ ઘણી વાર વાર્તા આડે પાટે જતી રહે છે. જોકે ઘણા બધા સીન્સમાં કોમેડીનો ચમકારો છે. ‘સપનાઓ સાચા થશે’ ગીતનું સંગીત, શબ્દો અને ફિલ્માંકન સરસ છે. જોકે બધા કરતા આપણને તો ‘માંગીલાલ’ તરીકે ‘પ્રેમ ગઢવી’એ મજા કરાવી દીધી.

ફેબ્રુઆરી-૨૦૧૭ની ફિલ્મો

ફેબ્રુઆરી-૨૦૧૭ની ફિલ્મો

  1. GOOSEBUMPS (2015) : 6.5 / 10

શરૂઆત સારી છે પણ અંત સુધી જકડી રાખે તેવી વાર્તા નથી. જેક બ્લેક હમેશની જેમ મજા કરાવે છે.

  1. O KADHAL KANMANI (2015) : 8 / 10

સુંદર મુંબઈ, સરસ સંગીત અને આજના જમાનાનો મણી રત્નમ બ્રાંડ રોમાન્સ. લીડ પેર અને પ્રકાશ રાજ જામે છે. હવે આની હિન્દી રીમેક  ‘ઓકે જાનું’ જોવી પડશે. જોઈએ ‘શાદ અલી’એ કેવી નકલ કરી છે.

  1. SULTAN (2016) : 8.5 / 10

છેલ્લા થોડા વર્ષોમાં જોવાયેલી સલમાન ખાનની શ્રેષ્ઠ ફિલ્મ. કીક, જય હો જેવી ફિલ્મો કરતા બજરંગી ભાઈજાન ઘણી સારી હતી અને સુલતાન તો તેના કરતા પણ સારી. ગીત સંગીત સરસ છે. અને સ્ટોરી ઘણી બધી જગ્યાએ દિલ ને સ્પર્શી જાય છે. (સલમાન અને અનુષ્કાનો જમતી વખતનો સીન, જગ ગુમ્યા ગીત વગેરે). સલમાન ખાનના સરસ અભિનયને અનુષ્કા શર્મા પણ પૂરે પૂરો ટેકો આપે છે.  ટૂંકમાં પરફેક્ટ હિન્દી ફિલ્મ.

  1. PRIMAL FEAR (1996) : 7.5/10

હિન્દી ફિલ્મ ‘દીવાનગી’ (અજય દેવગન, અક્ષય ખન્ના, ઉર્મિલા) ની પૂર્વજ એવી આ ફિલ્મ એડવર્ડ નોર્ટન અને રીચાર્ડ ગેરેના અભિનય અને છેક છેલ્લે સુધી જકડી રાખતી વાર્તા માટે જોવા જેવી છે. ‘પ્રાઈમલ ફીયર ‘ એક ચોક્કસ પોઈન્ટ પર પૂરી થાય છે જયારે ‘દીવાનગી’માં ઈન્ટરવલ સુધી મજા આવી હતી પણ પછી ફિલ્મ બહુ ખેચવામાં આવી હતી.

  1. SUPER STAR (2017) : 4/10

આ નવી અર્બન ગુજરાતી ફિલ્મનું પ્રોડક્શન સરસ છે પણ સ્ટોરી ઘણી બધી જગ્યા એ ડચકા ખાય છે.

  1. ARRIVAL (2016) : 7.5/10

ધીમી ધીમી ચાલતી અને એલિયન્સના ધરતી પર આગમનનું કઈક અલગ જ કારણ કહેતી ફિલ્મ. અહી બીજી એલિયન ફિલ્મોની જેમ ધમાચકડી અને એક્શન નથી પણ સુરેખ સ્ટોરી અને અદભુત અભિનય છે.

  1. AE DIL HAI MUSHKIL (2016) : 7.5/10

ઘણાને આ ફિલ્મ ગમી નથી પણ મને તો સારી લાગી. જો કે પ્રેમ અને દોસ્તીના આ ફિલ્મમા બતાવેલા ફંડા સમજવા અઘરા છે. અનુષ્કા શર્મા અને રણબીર કપૂરનો અભિનય કાબિલે તારીફ છે. EISHVARY ઐશ્વર્યા રાય આવા ફાલતું રોલમાં કેમ આવતી હશે? સંગીત સરસ છે.

  1. MISS PEREGRIN’S HOME FOR PECULIAR CHILDREN (2016) : 7/10

શરૂઆત સરસ છે પણ અંત સુધી રસ જળવાઈ રહેતો નથી. ટીમ બર્ટનની અન્ય ફિલ્મોની જેમ અહી ફિલ્મનો ટોન ડાર્ક નથી.

  1. NON-STOP (2014) : 7/10

મધ્ય સુધી સરસ પણ સસ્પેન્સ જોઈએ તેવું કન્વીન્સીંગ નથી. જોકે આપણે તો ‘લીયામ નીસન’ માટે જ ફિલ્મ જોઈ.

જાન્યુઆરી-૨૦૧૭ની ફિલ્મો

જાન્યુઆરી-૨૦૧૭ની ફિલ્મો

  1. GUJJUBHAI THE GREAT (2015) : 7.5/10

આ ફિલ્મ જોતા પહેલા ‘ગુજ્જુભાઈ બન્યા દબંગ’ નાટક જોયેલું પણ જે કઈ ખાસ ન લાગેલું. પણ આ ફિલ્મે તો મજા કરાવી દીધી. પહેલાથી છેલ્લે સુધી મજા જ મજા. સિદ્ધાર્થ રાંદેરિયા તો દરેક સીનમાં છવાઈ જાય છે. જીમિત ત્રિવેદી (બકુલ બુચ) અને સ્વાતી શાહ (પ્રમિલા) તથા અન્ય કેરેક્ટર્સ ની સાથે સાથે ડાયલોગ પણ મજેદાર છે. મસ્ત ગુજરાતી ફિલ્મ.

  1. DHARM (2007) : 7.5/10

ધર્મનો સાચો અર્થ શું તેના વિષે કઈક વાત કહેતી ફિલ્મ. પંકજ કપૂર તેની બોડી લેન્વેજ અને અભિનય દ્વારા પૂરી ફિલ્મમાં છવાઈ જાય છે. સરસ વાર્તા, સંવાદ, બેક ગ્રાઉન્ડ મ્યુઝીક અને દિગ્દર્શન. જો કે અંત થોડો ઉતાવળે આવી જાય છે. બાકી સરસ ફિલ્મ.

  1. GREAT GRAND MASTI (2016) : 3/10

કાઈ કહેવા જેવું નથી. મસ્તી ઠીક, ગ્રાન્ડ મસ્તી ભંગાર અને ગ્રેટ ગ્રાંડ મસ્તી તો સાવ ભંગાર. તો પણ મેં જોઈ બોલો!.  સર્વ ધર્મ સમભાવની જેમ સર્વ ચિત્ર સમભાવ!   મતલબ ફિલ્મો જોવામાં કોઈ પૂર્વગ્રહ રાખવો નહિ.

૨૦૧૬ની ફિલ્મો અને પુસ્તકો

લો ૨૦૧૬ પણ પતી ગયું. તો દર વર્ષની જેમ ગત વર્ષમાં જોવાયેલ ફિલ્મો અને વંચાયેલ પુસ્તકોની બેલેન્સ શીટ જોઈ લઈએ.

કુલ ૪૪ ફિલ્મો જોવાયેલ છે. ગત વર્ષની સરખામણીમાં લગભગ અડધી છે. પરીક્ષાના લીધે વચ્ચે ૪ મહિનાનો સળંગ ગેપ પડેલ હતો. પણ ૨૦૧૭માં તો તૂટી જ પડવું છે.

ફિલ્મો:

No. MOVIE RATING OUT OF 10
1 EVERLY (2014) 5
2 MYSTIC RIVER (2003) 8
3 JAZBAA (2015) 7.5
4 DOCTOR ZHIVAGO (1965) 9
5 MARY KOM (2014) 7.5
6 KYA KOOL HAI HUM 3 (2016) 3
7 HOW TO TRAIN YOUR DRAGON (2010) 7.5
8 THE MARTIAN (2015) 8
9 BROTHERS (2015) 7
10 GHAYAL ONCE AGAIN (2016) 6
11 PRIEST (2011) 7
12 SPECTRE (2015) 7.5
13 MR. BEAN’S HOLIDAY (2007) 7
14 NATSAMRAT (2016) 9
15 LUCY (2014) 7.5
16 DUMB AND DUMBER TO (2014) 6.5
17 HE NAMED ME MALALA (2015) 7
18 TERE BIN LADEN (2010) 7.5
19 3:10 TO YUMA (2007) 8.5
20 300:RISE OF AN EMPIRE (2014) 7.5
21 ANCHOR MAN (2004) 6.5
22 ROOM (2015) 8.5
23 BIRDMAN (2014) 8
24 THE JUNGLE BOOK (2016) 8
25 ROMEO AND RADHIKA (2016) 3
26 THE ANGRY BIRDS MOVIE (2016) 6.5
27 DEADPOOL (2016) 7.5
28 CHHELLO DIVAS (2015) 8
29 BATMAN VS SUPERMAN : DAWN OF JUSTICE (2016) 6.5
30 FAN (2016) 7
31 HANSEL & GRETEL:WITCH HUNTERS (2013) 7
32 CHANDER PAHAR (2013) 8.5
33 X-MEN:APOCALYPSE (2016) 7
34 PINK (2016) 8.5
35 HOUSEFULL 3 (2016) 4
36 THE REVENANT (2015) 8
37 THE CONJURING 2 (2016) 7
38 THAI JASHE! (2016) 7
39 TEEN  (2016) 8
40 THE LEGEND OF TARZAN (2016) 7
41 THE STONEMAN MURDERS (2009) 7.5
42 KABALI (2016) 6
AAJ JAANEKI ZID NA KARO Gujarati Play
43 EDDIE-THE EAGLE (2016) 7.5
44 DER UNTERGANG (GERMAN)- DOWNFALL (ENGLISH) (2004) 8

પુસ્તકો:

કુલ ૧૨ પુસ્તકો એટલે કે દર મહીને એકાદ પુસ્તક વંચાયું છે.

NO. NAME ORIGINAL BOOK AUTHOR TRANSLATOR
1 CHANAKYA’S CHANT CHANAKYA’S CHANT ASHWIN SANGHI
2 HALF GIRLFRIEND HALF GIRLFRIEND CHETAN BHAGAT
3 I AM MALALA I AM MALALA MALALA YOUSUFZAI
4 L’Île mystérieuse THE MYSTERIOUS ISLAND (ENGLISH) – BHEDI TAPU (GUJARATI) JULES VERNE JAYANT SHAH
5 MAADI HU COLLECTOR THAIS TAAI, ME COLLECTOR VYAHAN RAJESH PATIL KISHOR GAUD
6 SORTING OUT SID SORTING OUT SID YASHODHARA LAL
7 TRAIN TO PAKISTAN TRAIN TO PAKISTAN KHUSWANT SINGH
8 SAHITYA ANE CINEMA SAHITYA ANE CINEMA JAY VASAVADA
9 AVKASHNI SAFARE (Dhumketuni Safare) HECTOR SERVADEC -FRENCH (OFF ON A COMET-ENGLISH) JULES VERNE MULSHANKAR BHATT
10 STEEL FRAME STEEL FRAME FARUK NAIKVADE MOHAN H. MANDANI
11 POLLYANNA POLLYANNA ELEANOR H. PORTER NITIN BHATT
12 RANG CHHALKE RANG CHHALKE KINNAR ACHARYA

અને છેલ્લે…

જે કોઈ  આ બ્લોગ ભૂલ થી પણ વાંચતું હોય તો તેને HAPPY NEW YEAR!

 

ડીસેમ્બર-૨૦૧૬ની ફિલ્મો અને નાટક

ડીસેમ્બર-૨૦૧૬ની ફિલ્મો અને નાટક

  1. THE REVENANT (2015) : 8/10

એક બદલાની નેમ લઈને જિંદગી જીવવાનો સંઘર્ષ. અદભુત લોકેશન્સ, અને લિયોનાર્ડો દ કેપ્રીઓ, ટોમ હાર્ડી અને અન્યોનો લાજવાબ અભિનય. Alejandro González Iñárrituનો સતત બીજા ઓસ્કાર માટેની યથાર્થ માવજત. અહી પણ બર્ડમેનની જેમ લાંબા લાંબા શોટ્સ છે જે સિનેમેટોગ્રાફર Emmanuel Lubezki અને ડીરેક્ટર Alejandro ની ટ્રેડમાર્ક સ્ટાઈલ છે.

  1. THE CONJURING 2 (2016) : 7/10

વોરેન દંપતીનું ભૂતપ્રેત વાળું નવું એડવેન્ચર. અહી જોકે પેહલા ભાગની જેમ સત્ય ઘટનાનો સંદર્ભ લેવાયો છે. પ્રથમ ભાગ જેવી ડરામણી નથી પણ એકંદરે કંટાળાજનક પણ નથી.

  1. THAI JASHE! (2016) : 7/10

એક નવી અર્બન ગુજરાતી ફિલ્મ. શરૂઆત અને મધ્ય સરસ. અંત થોડો ઉતાવળે બતાવાયો હોય તેવું લાગે છે. બાકી નીરવ બારોટે દિગ્દર્શક તરીકે પહેલી ફિલ્મમાં ઘણી આશાઓ જન્માવી છે. મનોજ જોષી અને મલ્હાર ઠક્કર બંને સરસ જમાવટ કરે છે.

  1. TEEN (2016) : 8/10

છેક છેલ્લે સુધી જકડી રાખતી ધીમી ધારે વહેતી થ્રીલર. ‘કહાની’ ની જેમ અહી પણ કોલકાતા વાર્તાનું એક કેરેક્ટર બની જાય છે. નવાઝુદ્દીન સીદીકી, વિદ્યા બાલન અને દર વખતની જેમ જબરદસ્ત અમિતાભ બચ્ચન હોય પછી પૂછવાનું જ ન હોય. મસ્ટ વોચ.

  1. THE LEGEND OF TARZAN (2016) : 7/10

ટારઝનની વાર્તા જેણે અગાઉ વાંચેલી હશે તેને આ ફિલ્મમાં થ્રિલ થોડી ઓછી લાગશે. બાકી એક્શન, લોકેશન્સ અને સેમ્યુઅલ એલ. જેક્શન ફિલ્મને બચાવી લે છે.

  1. THE STONEMAN MURDERS (2009) : 7.5/10

૧૯૮૩માં મુંબઈમાં થયેલા શ્રેણીબદ્ધ ખૂનોની ઘટનાઓમાંથી પ્રેરણા લઈને તેમાં કલ્પનાના રંગો  ઉમેરીને બનાવાયેલી સરસ થ્રીલર. કે કે મેનન તો હમેશા જલસો જ કરાવી દે છે.

  1. KABALI (2016) : 6/10

રજનીકાંતની સ્ટાઈલ સિવાય ખાસ કશું નથી. વાર્તામાં ભલીવાર નથી તેથી રજનીકાંતની છેલ્લી ફિલ્મો ‘શિવાજી’ અને ‘રોબોટ’ જેવી મજા અહિયાં આવતી નથી. રજનીકાંત જેવા સુપરસ્ટારને લઇને સરસ માવજત અને વાર્તા વાળી ફિલ્મ તો ‘શંકર’ જેવા કોઈક જ બનાવી શકે. બાકી કબાલીમાં તો રજનીકાંતના સ્ટારડમને વટાવવાનો પ્રયત્ન થયો હોય તેમ લાગે છે.

  1. EDDIE-THE EAGLE (2016) : 7.5/10

સત્ય ઘટના પરથી પ્રેરિત મજાની સ્પોર્ટ્સ ડ્રામા. હ્યુજ જેકમેન માટે ખાસ જોવામાં આવી.

  1. DER UNTERGANG- DOWNFALL (2004) : 8/10

એડોલ્ફ હિટલરની ઝીન્દગીના છેલ્લા ૧૦ દિવસોની કહાની રજુ કરતી ફિલ્મ. છેલ્લા દિવસોમાં હિટલરની બંકરની ઝીંદગી, સાથીદારો સાથેના તેના સંબંધો અને છેલ્લે સુધી વાસ્તવિકતા ન સ્વીકારવી વગેરે બાબતો એકદમ ઓથેન્ટિક રીતે દર્શાવવાનો પ્રયાસ થયો છે. જોકે અહી હિટલરનું માનવીય પાસું પણ અહી બતાવાયું છે. ધીમી પણ સરસ ફિલ્મ.

નાટક: આજ જાનેકી ઝીદ ના કરો

દિગ્દર્શક: સૌમ્ય જોષી

જીજ્ઞા વ્યાસ, જયેશ મોરે

aaj-jaaneki

કરીના કપૂર –સુધીર મિશ્રાની ફિલ્મ ‘ચમેલી’ જેવી કઈક અંશે વાર્તા ધરાવતું નાટક. મેં જોકે વધુ નાટકો જોયેલા નથી પણ આ નાટકનો લોકલ ટ્રેન વાળો સેટ ગમ્યો. જીજ્ઞા વ્યાસ સરસ અભિનય કરે છે પણ ક્યાંક ઓવર એક્ટિંગ આવી જાય છે. જયેશ મોરે અદભુત છે.

જોકે સૌમ્ય જોશીને સ્ટેજ પર લાઈવ બોલતા સાંભળવા એ પણ લહાવો જ છે.

નવેમ્બર-૨૦૧૬ ની ફિલ્મો

નવેમ્બર-૨૦૧૬ ની ફિલ્મો

આ મહિનામાં જોકે ફક્ત બે જ ફિલ્મો જોવાયેલી છે અને પુસ્તક તો એક પણ વંચાયું નથી. અશ્વિની ભટ્ટની એકાદ નવલકથા શરુ કરવાની ઇચ્છા છે.

  1. PINK (2016) : 8.5 / 10

પિંક ફિલ્મની વાર્તા જ ક્રાંતિકારી છે. સંવેદનશીલ માણસ હોય અને ફિલ્મના મેસેજને બરોબર પચાવી શકે તો એક સ્ત્રી પ્રત્યે જોવાની દ્રષ્ટિ બદલાઈ શકે છે. જે બનાવ પર આખી વાર્તા રચાઈ છે તેને ફક્ત એન્ડ ક્રેડીટમાં દર્શાવીને જે મુદ્દાને હાઈલાઈટ કરવાનો છે તેના પર જ આખી ફિલ્મ છે. હૃદયમાં ઉતરી જાય તેવા સંવાદો, વાર્તા અને અભિનય (ખાસ કરીને ને અમિતાભ બચ્ચન અને પીયુષ મિશ્રાની ટક્કર) ફિલ્મને અવિસ્મણીય બનાવે છે. ૨૦૧૬ની ઉતમ ફિલ્મોમાની એક.

pink-2016-official-hd-poster                                                                                               housefull-3-new-poster

 

 

  1. HOUSEFULL 3 (2016) : 4 / 10

હાઉસફુલ ૨ માં ખાસ ભલીવાર નહોતો અને ત્રીજા ભાગથી પણ કોઈ મોટી આશા નહોતી. અને ખરેખર ફિલ્મ તો ધાર્યા કરતા પણ ઘણી ખરાબ નીકળી. હા અક્ષય કુમાર, રીતેશ દેશમુખ અને બોમન ઈરાની કોઈક કોઈક વાર મજા કરાવી જાય છે. મ્યુઝીક ગમ્યુ.

 

ઓક્ટોબર-૨૦૧૬ની ફિલ્મો અને પુસ્તકો

ઓક્ટોબર-૨૦૧૬ની ફિલ્મો અને પુસ્તકો:

તો સૌને નવા વર્ષના નુતન વર્ષાભીનંદન

હમણાં ઘણી ઓછી ફિલ્મો જોવાય છે આશા છે કે નવા વિક્રમ સંવત-૨૦૭૩માં સંખ્યા વધે.

  1. CHANDER PAHAR (2013)- BENGALI- 8.5 / 10

કોઈએ કદાચ આ ફિલ્મ જોઈ હશે તો તેને ફિલ્મની ગતિ ધીમી લાગી શકે છે પણ મને તો ફિલ્મની ગતિ જ ફિલ્મની તાકાત લાગી. બંગાળી ક્લાસિક નવલકથા પરથી બનેલી આ ફિલ્મ ધીમી ગતિએ લોકેશન્સ, એક્ટિંગ, વાર્તા દરેક બાબતમાં મજા કરાવે છે. અને સિનેમેટોગ્રાફી તો અદભૂત છે.

સાંભળ્યું છે કે આની સિકવલ પણ બની રહી છે. તેની ઈન્તેજાર રહેશે.

  1. X-MEN: APOCALYPSE (2016) – 7 / 10

DAYS OF FUTURE PAST  જેવી જકડી રાખે તેવી નથી પણ  કંટાળો પણ નથી આવતો. વિલનનું કેરેક્ટર હજી વધુ ડેવલોપ કરવા જેવું હતું.

પુસ્તકો:

  1. POLLYANNA – ELEANOR H. PORTER

Gujarati Translation by Nitin Bhatt

દરેક બાબતમાંથી કઈક સારું શોધીને રાજી થવાની રમત શીખવાડતી છોકરી પોલીયાનાની વાર્તા. પુસ્તક વાંચીને ખબર પડે છે કે ખરેખર આ પુસ્તક અત્યારે પણ કેમ ક્લાસિક ગણાય છે અને અત્યારે પણ કેમ પ્રસ્તુત છે. ઘણી ફિલ્મો તથા વાર્તાઓના કથાનક તથા કેરેક્ટરનું પૂર્વજ પોલીયાનાને કહી શકાય.

  1. રંગ છલકે : કિન્નર આચાર્ય

જાણીતા પત્રકાર અને લેખક કિન્નર આચાર્યના વિવિધ વિષયો પરના વિવિધ લેખોનું સંકલન છે. કિન્નરભાઈ ઓશોથી ખુબજ પ્રભાવિત છે જે આ પુસ્તકમાં ઓશો વિશેના લેખોએ જે જગ્યા રોકેલ છે તેના પરથી ખબર પડે છે. જોકે દરેક લેખ રસ પડે તેવો છે. બીજા બધા લેખો પણ સરસ છે.  જોકે ઘણી વાર વધુ પડતી માહિતી અમુક લેખોને થોડા  બોરિંગ બનાવે છે.